Nega bu muhim
Iordaniya o‘zbekistonliklar uchun vizasiz rejim o‘rnatilgan 36-davlatga aylanadi. Bu sayyohlik va ishbilarmonlik imkoniyatlarini kengaytiradi, ikki tomonlama munosabatlarni mustahkamlaydi.
Nima bo‘ldi
- Bitim 26-avgust kuni Samarqandda Iordaniya qiroli Abdulla II tashrifi chog‘ida imzolangan;
- Vizasiz rejim 25-sentyabrdan kuchga kiradi;
- O‘zbekistonliklar Iordaniyada 30 kungacha vizasiz qolishi mumkin bo‘ladi;
- Turizm va aviatsiya sohalarida hamkorlik to‘g‘risida bitimlar imzolandi;
- Toshkent — Amman to‘g‘ridan-to‘g‘ri reysini yo‘lga qo‘yish rejalashtirilgan;
- Ilgari O‘zbekiston fuqarolari Iordaniyaga kelish vizasi (visa on arrival) olgan.
Nima deyildi
TIV matbuot kotibi Ahror Burxonovning Spot`ga ma’lum qilishicha, kelishuv imzolanganidan 30 kun o‘tib kuchga kiradi.
Mohiyat
O‘zbekiston vizasiz rejim o‘rnatilgan mamlakatlar ro‘yxatini faol ravishda kengaytirmoqda. Keyingi yillarda bunday bitimlar Osiyo, Yaqin Sharq va MDHning bir qator davlatlari bilan imzolandi.
