Nega bu muhim
Foyda va kredit portfelining agressiv o‘sishiga qaramay, xalqaro tahlilchilar xatarlarning kuchayishini qayd etmoqdalar — Fitch prognozining yomonlashishi tashqi moliyalashtirishni jalb qilishni qiyinlashtirishi mumkin va bu tuzilmaviy zaifliklardan darak beradi.
Nima bo‘ldi
- Sof foyda: 235,9 mlrd so‘m (+134,6%);
- Foiz daromadlari: 1,0 trln so‘mdan 2,3 trln so‘mga (+120,9 foizga) oshdi;
- Kredit portfeli: 5,9 trln so‘mdan 8,8 trln so‘mga oshdi;
- Muammoli kreditlar (NPL) ulushi: 2,5%dan 4,3%ga oshdi;
- Fitch Ratings: emitentning uzoq muddatli defolt reytinglari (IDR) bo‘yicha prognozni “Salbiy” darajaga tushirib, reytingning o‘zini B‐ darajasida saqlab qoldi;
- Ushbu reyting darajasi defolt ehtimoli yuqori bo‘lgan CCC+ dan bir pog‘ona yuqoridir.
Mohiyat
O‘zbekistonda xususiy banklar bozori faol o‘sib bormoqda, ammo NPLning o‘sishi, makroiqtisodiy o‘zgaruvchanlik, likvidlilikka bosim kabi xatarlar bilan birga kechmoqda. Fitch prognozining yomonlashishi investorlarning alohida ishtirokchilarning barqarorligi borasidagi xavotirlarini aks ettiradi.
