Nega bu muhim
Loyiha jamoat transportini modernizatsiya qilishning asosiy qismidir. Bu tirbandlikni kamaytiradi, shaxsiy transportga yuklamani kamaytiradi va aholining harakatlanishini tezlashtiradi. Urbanizatsiya va aholi sonining o‘sishi sharoitida BRT barqaror harakatchanlikning eng samarali vositalaridan biridir.
Nimalar ma’lum
- Yangi BRT tarmog‘ining uzunligi: 50,6 km;
- Ko‘chalar soni: 10 ta, shu jumladan Amir Temur, Navoiy, Beruniy, Yangi Sergeli, Mirzo Ulug‘bek va boshqalar;
- Rejalashtirilgan yo‘lovchilar oqimi: 1,14 mln kishi;
- Loyiha qiymati: $126 mln, amalga oshirish muddati — 2030-yilgacha;
- Avtobuslarning o‘rtacha tezligi 18 km/soatdan 23 km/soatga oshiriladi, interval 20 daqiqadan 8-10 daqiqagacha qisqaradi;
- Markazgacha yetib borish vaqti 45 daqiqadan 34 daqiqagacha qisqaradi.
Shota Rustaveli ko‘chasidagi sinov loyiha:
- Uchastka uzunligi: 7 km;
- Qiymati: $19,2 mln;
- Yo‘lovchilar oqimi 2,5 mingdan 6 ming kishi/soatga oshdi;
- Yo‘lning o‘tkazish qobiliyati — sutkasiga 40 mingtagacha avtomobil;
- 21 ta bekat, 463 ta “aqlli” svetofor o‘rnatilib, veloyo‘laklar, avtoturargohlar tashkil etildi.
Mohiyat
Poytaxtda 142 ming kishi shaxsiy transportdan avtobuslarga o‘tdi. Jamoat transporti kuniga 1,4 mln nafargacha yo‘lovchiga xizmat ko‘rsatadi. Loyiha yangi metro bekatlarini qurish, elektrobuslar xarid qilish va Yangi Toshkentni rivojlantirishni to‘ldiradi.
