Nima uchun bu muhim:
Bu mamlakatning moliya institutlari va davlat organlari bilan hamkorlikni chuqurlashtirish yo‘lidagi qadamdir. Global o‘yinchi ofisining ochilishi xalqaro investorlarning O‘zbekiston moliya bozori va undagi islohotlarga qiziqishini tasdiqlaydi.
Nima bo’ldi:
- Toshkentda Citibank AS vakolatxonasi rasman ochildi.
- Akreditatsiya to‘g‘risidagi qaror Markaziy bank tomonidan 2025-yil 14-iyulda qabul qilingan.
- Ofis bozorni o‘rganish, davlat organlari va moliyaviy tuzilmalar bilan aloqalarni rivojlantirish bilan shug‘ullanadi, ammo aholi bilan bank operatsiyalarini amalga oshirmaydi.
- Vakolatxona uch yillik litsenziya asosida — 2028-yil iyulgacha faoliyat yuritadi.
- Ofis rahbari — Abbos Jo‘raboyev.
Nima deyishdi:
Grant Karson, CitiBank vakili: “Ushbu yangi bob bizga mijozlar va hamkorlarga yanada yaqinroq bo‘lish, global imkoniyatlardan foydalanish va doimiy o‘zgaruvchan bozor sharoitida yo‘nalish olishga yordam beradi”.
Mohiyat:
- 2023-yil sentyabr oyida prezident Shavkat Mirziyoyev Citigroup rahbariyati bilan muzokaralar o‘tkazdi.
- 2025-yil iyun oyida O‘zbekiston investitsiyalar vaziri Citigroup bilan mahalliy bozorda ishtirok etishni kuchaytirishni muhokama qildi.
- CitiBank JP Morgan, Commerzbank, Gazprombank va boshqalar qatorida O‘zbekistonda akreditatsiyadan o‘tgan sakkizinchi xorijiy bank bo‘ldi.
