Toshkent, O‘zbekiston — IT Park Uzbekistan IT Park Ventures bilan hamkorlikda Yevroosiyo mamlakatlaridan istiqbolli startaplarni individual murabbiylik va 1 million AQSH dollari miqdoridagi mukofot jamg‘armasi orqali qo‘llab-quvvatlashga qaratilgan Digital Startup Awards (DSA) xalqaro dasturida ishtirok etish uchun arizalarni qabul qilishning yakuniy bosqichi haqida e’lon qiladi.
Dasturning maqsadi yuqori salohiyatga ega loyihalarni aniqlash, tadbirkorlikni rivojlantirishga ko‘maklashish va mintaqaviy startap ekotizimida innovatsion faollikni rag‘batlantirishdan iborat. Ishtirok etish uchun Armaniston, Qozog‘iston, Qirg‘iziston, Tojikiston, Ozarbayjon, Gruziya, Turkmaniston va Mo‘g‘ulistondan startaplar taklif etiladi. O‘zbekistonlik startaplar «Eng yaxshi startap loyiha» yo‘nalishida ishtirok etishlari mumkin.
Hamma narsani o‘zgartira oladigan dastur
DSA mintaqaviy startaplarning eksport salohiyatini ochib berishga, shuningdek, transchegaraviy hamkorlikni mustahkamlashga qaratilgan. Ishtirokchilarga xalqaro murabbiylar, ixtisoslashtirilgan ta’lim modullari va investorlar tarmog‘idan foydalanish imkoniyati taqdim etiladi. Biznes modelini tekshirishdan tortib global bozorlarga chiqishgacha — dastur startap rivojlanishining barcha bosqichlarida amaliy yechimlarni taklif etadi.
“Digital Startup Awards — bu shunchaki tanlov emas. Bu e’tiborga tushish, qo‘llab-quvvatlash va qimmatli aloqalar o‘rnatish imkoniyatidir”, — dedi IT Park Uzbekistan bosh direktori Abdulahad Qo‘chqorov. — “Biz bu tashabbusni mahalliy ta’sischilarga xalqaro darajaga chiqish uchun haqiqiy imkoniyat berish – kerakli odamlar, resurslar va professional yordamdan foydalanish imkoniyatini yaratish maqsadida boshladik. Agar siz mahsulotni qalbingiz va kelajakni ko‘rish bilan yaratsangiz, ehtimol, aynan shu imkoniyat hamma narsani o‘zgartiradi”.
Rivojlanish uchun uchta yo‘nalish
- Inkubatsiya:
Boshlang‘ich bosqichdagi startaplar uchun — g‘oyadan MVP gacha. Individual qo‘llab-quvvatlash, loyihaviy o‘qitish va biznes modelini ishlab chiqishni nazarda tutadi.
- Akseleratsiya:
Product-Market Fit bosqichiga yetgan startaplar uchun kunduzgi dastur. Sotuvlarni kengaytirish, investitsiyalarni jalb qilish va yangi bozorlarga chiqishga qaratilgan.
- Eng yaxshi startap-loyiha:
Tasdiqlangan daromad va barqaror natijalarga ega yetuk startaplar (Seeddan A seriyagacha) uchun. G‘oliblar grant mablag‘lari va investorlarga kirish imkoniyatiga ega bo‘ladilar. Ushbu yo‘nalishda ishtirok etish o‘zbekistonlik startaplar uchun ochiq.
Nima uchun qatnashish kerak:
- Xalqaro murabbiylar va soha mutaxassislaridan foydalanish imkoniyati;
- Intensiv seminarlar va o‘quv dasturlari;
- Startaplar, korporatsiyalar va venchur fondlari vakillari bilan netvorking;
- Mukofot jamg‘armasi har bir startap uchun 1 000 000 dollardan 50 000 dollargacha;
- Xalqaro bozorga masshtablashtirish imkoniyatlari.
Asosiy sanalar:
Arizalarni qabul qilish muddati: 2025-yil 30-avgust
Eng yaxshi startap-loyiha:
- Ishtirokchilarni saralash: sentyabr
- Yarim final: oktyabr–noyabr
- Grand final: 10-dekabr
Inkubatsiya va akseleratsiya:
- Ishtirokchilarni saralash: avgust–sentyabr
- Asosiy dastur: 15-sentyabr–10-dekabr
- Demo Day (kunduzgi format): 10-dekabr
Tashkilotchilar haqida
IT Park Uzbekistan — O‘zbekiston IT-sohasini rivojlantirishga ko‘maklashuvchi xalqaro markaz. Startaplar va raqamli xizmatlar eksportchilari uchun infratuzilma yordami, soliq imtiyozlari va qo‘llab-quvvatlash dasturlarini taqdim etadi.
IT Park Ventures — IT Park’ning istiqbolli startaplarni rivojlantirish va investitsiyalarni jalb qilishga ko‘maklashuvchi venchur bo‘linmasi.
Ekotizim hamkorlari:
- Armaniston: Entrepreneurship Incubator Foundation
- Ozarbayjon: SABAH HUB, Innoland
- Gruziya: Gruziya Innovatsiyalar va texnologiyalar agentligi, 500 Global
- Qozog‘iston: Astana Hub, MOST Hub
- Qirg‘iziston: Accelerate Prosperity, Qirg‘iziston Respublikasi yuqori texnologiyalar parki
- Mongoliya: KITE Mongoliya, Mongoliya Milliy axborot texnologiyalari parki
- Tojikiston: Tajikistan Venture Capital, TechnoHub Dushanbe
- Turkmaniston: StartUp Academy
