Nega bu muhim
So‘mning mustahkamlanishi inflyatsiya xatarlari va tashqi qarz qiymatini pasaytiradi, ammo eksportchilarga zarba berishi mumkin. Kurs eksport tushumlari va oltinning faol sotilishi bilan qo‘llab-quvvatlanadi.
Nima bo‘ldi
- Dollar 61 so‘mga arzonlab, 12 140 so‘m bo‘ldi;
- Yevro va funt mos ravishda 152 va 200 so‘mga pasaydi;
- Rubl — 74 tiyin, kurs: 145,36 so‘m;
- Tijorat banklarida dollar 12 200-12 260 so‘mdan sotilmoqda, 12 080 so‘mdan sotib olinmoqda;
- 8 oyda so‘m dollarga nisbatan 3,4 foizga — 438 so‘mga mustahkamlandi;
- Avgustda — +109,32 so‘m.
Mohiyat
XVJ Markaziy bankka tashqi shoklarga chidamli bo‘lish uchun ko‘proq kurs tebranishlariga ruxsat berishni tavsiya qildi. Markaziy bank tavsiyalarni qabul qilib, bosqichma-bosqich harakat qilayotganini ma’lum qildi. Eksport va o‘tkazmalar fonida valyuta taklifining o‘sishi zaif talab sharoitida so‘mni kuchaytiradi.
