Nima uchun bu muhim:
Toshkentning Etihad yo‘nalishlar tarmog‘iga qo‘shilishi BAA va O‘zbekiston o‘rtasidagi aloqalarni mustahkamlaydi, turizm, savdo va investitsiyalarni rag‘batlantiradi. To‘g‘ridan-to‘g‘ri aviaqatnovlarning o‘sishi Abu-Dabining mintaqaviy xab sifatidagi rolini kuchaytirmoqda.
Nima bo’ldi:
- Parvozlar 2026-yil 17-martda haftasiga 6 martadan boshlanadi.
- Bir vaqtning o‘zida Olmaota, Boku, Tbilisi, Yerevan, Buxarest va Madinaga yo‘nalishlar ishga tushirilmoqda.
- Chiptalar sotuvi yaqin kunlarda boshlanadi.
Nima deyishdi:
Etihad bosh direktori ta’kidlaganidek, kompaniyaning maqsadi Abu-Dabini tez rivojlanayotgan, boy milliy hududlar bilan bog‘lash hamda turizm va savdoga bo‘lgan talabni rag‘batlantirishdir.
Mohiyat:
- Etihad 2026-yilda 7 ta yo‘nalishni qo‘shmoqda, bu bir yil ichida 27 ta yangi yo‘nalishdir.
- Avvalroq Wizz Air Janubiy va Markaziy Osiyo, jumladan, Toshkentga parvozlarni to‘xtatgandi.
- Toshkent 2024-yilda 8,7 milliondan ortiq yo‘lovchiga xizmat ko‘rsatadigan O‘zbekistonning asosiy transport markazi hisoblanadi.
