Nega bu muhim
Moliyaviy tafovut bank sektoridagi ko‘lam va samaradorlik farqini ko‘rsatadi. Shu bilan birga, Halyk O‘zbekistondagi mavqeini faol ravishda mustahkamlamoqda — Click`dan ulush sotib olish va Tenge Bank’ni rivojlantirish orqali.
Nima bo‘ldi
- Halyk Bank`ning yanvar-iyun oylaridagi sof foydasi — 473,9 mlrd tenge (877,9 mln dollar).
- O‘zbekistondagi barcha banklarning foydasi — 6,5 trln so‘m (513 mln dollar).
- Iyul oyida Halyk 49% Click`ni 176,4 million dollarga sotib oldi — bu O‘zbekistondagi eng yirik fintech bitimlaridan biri.
- Click platformasi va Tenge Bank mustaqil tuzilmalar sifatida Halyk brendi ostida ishlashda davom etadi.
Nima deyildi
- Halyk Click bilan kelishuvni mintaqada raqamli ekotizimni kuchaytirish bo‘yicha “strategik qadam” deb atamoqda.
Mohiyat
- Halyk 37,5 milliard dollarlik aktivlarni boshqaradi va Markaziy Osiyoda yetakchi o‘rinni egallaydi.
- O‘zbekiston Qozog‘istonning bank ekspansiyasi uchun asosiy bozorga aylanmoqda.
