Nima bo’ldi:
“Hududiy elektr tarmoqlari” Spot nashri tomonidan e’lon qilingan materialdan so‘ng elektr ta’minotidagi uzilishlar haqidagi ommaviy shikoyatlarga izoh berdi.
Asosiy faktlar:
- Uzilishlar qishga tayyorgarlik ko‘rish uchun tarmoqlarni ta’mirlash va yangilash bilan bog‘liq.
- Bundan tashqari, issiqda avariyalar tufayli uzilishlar yuzaga kelmoqda — yuklama ortib bormoqda, tarmoqlar bardosh bera olmayapti.
- Barcha rejalashtirilgan ishlar davlat dasturlari va qarorlari bilan muvofiqlashtirilgan.
- HET o‘chirishlar haqidagi ma’lumotlarni o‘z vaqtida e’lon qilishga va’da berdi.
Nima deyishdi:
“Biz iste’molchilarga yetkazilayotgan noqulaylik uchun uzr so‘ragan holda, rejaviy o‘chishlar haqida aholini xabardorligini yanada oshirish choralari ko‘rilishni ma’lum qilamiz”, — deya ta’kidlanadi kompaniya bayonotida.
Kontekst:
Yozda va qishda elektr ta’minoti bilan bog‘liq muammolar Toshkent uchun odatiy holat. Tariflar oshishi fonida bu aholi o‘rtasida tobora ko‘proq savollarni keltirib chiqarmoqda.
