Nima uchun bu muhim:
Mavsumiy tebranishlar va ayrim segmentlardagi pasayishlarga qaramay, bozor barqaror bo‘lib qolmoqda. Iqtisodiy tadqiqotlar va islohotlar markazi ma’lumotlariga ko‘ra, elektromobillar iste’molchilarning afzalliklari o‘zgarayotganidan darak berib, yarim yillik ko‘rsatkichlarda ishonchli o‘sishni ko‘rsatmoqda.
Nima bo’ldi:
- Birlamchi bozor bir oyda 10,4 foizga o‘sdi — 27,6 ming avtomobil.
- Yangi xorijiy avtomobillar savdosi 12,6 foizga, ya’ni 4 mingtagacha kamaydi.
- Ikkilamchi bozor: 52 mingta avtomobil, 0,4 foizga pasayish.
- Iyun oyida elektromobillar sotuvi: 5,1 ming dona (may oyiga nisbatan – 1,7 foiz).
- Birinchi yarim yillikda 28,8 mingta elektromobil sotildi, bu o‘tgan yilga nisbatan 62,6 foizga ko‘pdir.
- 2024-yil o‘rtalariga kelib, respublikada ro‘yxatdan o‘tgan avtomobillarning umumiy soni 3 foizga, Toshkent shahrida 41 foizga oshdi.
Nima deyishdi:
Iqtisodiy tadqiqotlar va islohotlar markazining ta’kidlashicha, ayrim segmentlardagi pasayishlarga qaramay, bozor minilgan avtomobillarga bo‘lgan barqaror talab va elektromobillar ulushining kengayishi tufayli muvozanatni saqlab qolmoqda.
Mohiyat:
- 2021-yil boshidan buyon O‘zbekistonda avtomobil bozori qariyb 2 barobarga o‘sdi.
- 2023-yil kuzining eng yuqori cho‘qqisidan beri umumiy bitimlar hajmi deyarli 30 foizga qisqardi, ammo 2024-yil boshidan buyon tendensiya tenglashmoqda.
- Elektromobillar eng tez rivojlanayotgan segment bo‘lib qolmoqda.
