Bu nega muhim: Eng yirik banklardan birining 6 oylik zarari kredit portfelining umumiy zaifligini aks ettiradi. Ilgari regulyator eng katta muammolarni “kreditlarni qayta baholash va zaxiralar yaratish” bilan izohlagan.
Nima bo’ldi:
- Sof zarar bir yil oldingi +191,8 mlrd so‘m foydaga nisbatan 392,5 mlrd so‘mni tashkil etdi.
- I chorakda muammoli aktivlarning 10,2 foizgacha (3,5 trln so‘m) o‘sishi tufayli 30,7 mlrd so‘m zarar qayd etildi.
- 2024-yil yakunlariga ko‘ra, bank yilni 240,2 mlrd so‘m sof zarar bilan yakunladi, shuningdek, muammoli qarzdorlik ikki barobarga oshib, 10,2 foizga yetdi.
- 2023-yilda OTP Bank sotib olgunga qadar Ipoteka bank mamlakat bo‘yicha daromadlilik jihatidan yetakchi o‘rinda turgan edi.
Nima deyishdi:
- Regulyator avvalroq foyda tushishi kreditlarni qayta baholash va zaxiralarni shakllantirish zarurati bilan bog‘liqligini ta’kidlagandi.
- Muammoli kreditlar ulushining 5-6 foizdan 10 foizdan oshishi tizimli xatarlardan darak beradi.
Mohiyat:
- OTP Bank 2023-yil iyun oyida Ipoteka bankning 73,7 foiz aksiyalarini sotib oldi va xususiylashtirishning birinchi bosqichini yakunladi.
- 2023-yil oxirida bank o‘z mavqeini mustahkamlash uchun qariyb 70 million dollar miqdorida qo‘shimcha mablag‘ oldi.
- Biroq 2024-yildan boshlab kredit portfelining pasayishi (yillik 5,6 foiz) va zaxiralarning o‘sishi kuzatilmoqda.
