Nega bu muhim
Xorijiy rezidentlar sonining o‘sishi O‘zbekistonning IT-autsorsing va SaaS mintaqaviy markazi sifatidagi maqomini mustahkamlamoqda. Yangi loyihalar ish o‘rinlari yaratadi va valyuta keltiradi.
Nima bo‘ldi
- Iyun oyida 58 ta kompaniya rezident maqomini oldi, ulardan 29 tasi Vengriya, Portugaliya, Ruminiya, BAA, Turkiya, Indoneziya, Yaponiya va Braziliya investorlari ishtirokida.
- Mont Tech Systems (BAA) $8,5 mlnlik SaaS xizmatlari va IT-konsalting eksport qilishni rejalashtirmoqda — asosiy bozor Tojikiston bo‘ladi.
- Ruby Talent Solutions (Portugaliya va Vengriya) AQSH uchun masofaviy jamoalarni yollash va boshqarish bo‘yicha autsorsing bilan shug‘ullanadi — birinchi yilda 3 million dollar.
- Accesa (Ruminiya) Ruminiya va Germaniya uchun dasturiy ta’minot va dizaynni ishlab chiqadi — reja $2,2 mln va 40 tagacha yangi ish o‘rinlari.
- Braziliyaning Guaraqe kompaniyasi AQSH uchun 1,5 million dollarlik soft va xizmatlar yetkazib beradi.
Mohiyat
- Iyun oyi oxirida IT Park’da 750 ta eksportga yo‘naltirilgan kompaniya ro‘yxatdan o‘tgan, ulardan 228 tasi Toshkentdan tashqarida.
- Xorijiy kapital ishtirokidagi rezidentlar soni 776 taga yetdi, shundan 206 tasi hududlarda.
- IT Park xizmatlar eksportini rivojlantirish uchun soliq imtiyozlari va ekotizimni taklif qilish orqali xorijiy investorlar bilan hamkorlikni kengaytirmoqda.
