Nega bu muhim
Rossiyaning Ozarbayjon bilan keskin munosabatlari fonida Toshkent Moskva bilan to‘g‘ridan-to‘g‘ri muloqotni mustahkamlamoqda va Rossiyaning neft-gaz sohasidagi asosiy ishtirokchisi bilan loyihalarni rivojlantirmoqda. “Gazprom neft” rahbarining tashrifi va Putin bilan suhbat energetika sohasidagi sheriklikning ustuvorligini ta’kidlaydi.
Nima bo‘ldi
- Prezidentlar kuzda o‘tkaziladigan Hududlar kengashining ikkinchi yig‘ilishiga tayyorgarlik ko‘rish bo‘yicha kelishib oldi.
- Savdo aylanmasining o‘sishi, qo‘shma sanoat loyihalari, madaniy va ta’lim almashinuvi diqqat markazida.
- Mirziyoyev Aleksandr Dyukov (“Gazprom neft”, RFI rahbari) bilan uchrashdi — geologiya-qidiruv, murakkab konlar, raqamlashtirish va mutaxassislarni tayyorlash masalalari muhokama qilindi.
- Mirziyoyevning Dyukov bilan so‘nggi uchrashuvi 13-may kuni “O‘zbekiston neft va gazi” forumi doirasida bo‘lib o‘tgandi.
- Dyukov Buyuk Britaniya, Avstraliya, Yangi Zelandiya, 2025-yildan esa AQSH va Kanada sanksiyalari ostida.
Mohiyat
- Putin bilan suhbat Mirziyoyevning Ozarbayjonga uch kunlik tashrifidan ko‘p o‘tmay — Boku va Moskvaning ritorikasi kuchaygan bir paytda bo‘lib o‘tdi.
- Rossiya O‘zbekistonning xomashyo va energiya ta’minoti bo‘yicha eng yirik hamkori bo‘lib qolmoqda.
- “Gazprom neft” O‘zbekistonda qazib olish va qayta ishlash loyihalarini rivojlantirmoqda, sohani raqamlashtirishda ishtirok etmoqda.
