Loyiha haqida nimalar ma’lum
- MBF-3 Olmaliq kon-metallurgiya kombinatining asosiy infratuzilma obyekti bo‘lib, yiliga 60 million tonnagacha rudani qayta ishlash quvvatiga ega.
- Bu uni postsovet hududidagi eng yirik mis boyitish majmualaridan biriga aylantiradi.
- “Yoshlik I” konining aniqlangan zaxiralari 3 million tonnadan ortiq misga baholanmoqda.
- Loyihaga kiritilgan investitsiyalarning umumiy hajmi 5,3 milliard dollarni tashkil etadi.
- MBF-3 rangli metallurgiya sohasidagi yagona yirik tashabbus emas.
- 2024-yil oktyabr oyida MBF-4 qurilishi boshlandi, yana ikkita ishlab chiqarish majmuasini ishga tushirish rejalashtirilgan.
- Maqsad — mis ishlab chiqarishni yiliga 500 ming tonnaga yetkazish.
Nima deyildi
Yaqinda yangi fabrika ochamiz. U 150 ming tonna mis beradi. Lekin biz bu bilan to‘xtab qolmaymiz — MBF-4, MBF-5, MBF-6 ni ham ochishni rejalashtiryapmiz, — dedi davlat rahbari.
Uning so‘zlariga ko‘ra, mis ishlab chiqarishni kengaytirish mamlakat va yoshlar uchun yangi imkoniyatlar yaratadi.
Mohiyat
Energetikaga o‘tish va elektromobillar bozorining o‘sishi sharoitida misga bo‘lgan global talab fonida O‘zbekiston xalqaro bozorga asosiy xomashyo yetkazib beruvchilardan biri sifatidagi rolini tizimli ravishda mustahkamlamoqda. Shuningdek, eksport va mamlakatda yuqori texnologiyali qayta ishlash uchun yangi istiqbollar ochadi.
