Nega bu muhim
Iqtisodiyotning ikki xonali pasayish xavfi barqarorlik, yangi texnologiyalar va iqlim choralariga sarmoya kiritishning dolzarb zaruratini ta’kidlaydi. Ularsiz infratuzilma, qishloq xo‘jaligi va suv resurslari uchun xavflar jiddiy iqtisodiy zarbaga aylanishi mumkin.
Hisobot nimani ko‘rsatdi
- Energetika respublikadagi issiqxona gazlarining 76 foizi uchun javobgardir;
- Neft va gaz sektoridan chiqadigan metan umumiy emissiya hajmining 35 foizini beradi;
- Iqlim o‘zgarishi har yili Markaziy Osiyoda aholi jon boshiga yalpi ichki mahsulot o‘sishini “yeb qo‘ymoqda”;
- 2025-2030-yillarda O‘zbekiston uglerod intensivligini 35 foizga kamaytirish, qayta tiklanadigan energiya ulushini 40 foizga yetkazish va yiliga 200 million tup daraxt ekishni rejalashtirmoqda.
Mohiyat
So‘nggi 20 yil ichida mintaqada o‘rtacha harorat 1,5 °C ga oshdi. Amudaryoda suv sathi 30 foizga, Sirdaryoda 10 foizga pasaydi. O‘zbekiston allaqachon dekarbonizatsiya choralarini ko‘rmoqda, ammo mavjud tashabbuslar hajmi jiddiy iqlim xavflarini jilovlash uchun yetarli bo‘lmasligi mumkin.
