Nega bu muhim
Oltin jahon bozorida qimmatlashmoqda, bu AQSH Federal zaxira tizimi stavkalarining pasayishi kutilmalarini aks ettiradi. Narxlarning oshishi investorlar va markaziy banklarning talabini qo‘llab-quvvatlaydi, shuningdek, mamlakat ichidagi jamg‘armalar va investitsiyalarga ta’sir qiladi.
Nima bo‘ldi
- Dunyo narxi bir unsiya uchun 3589 dollarga (1 gramm uchun 115,4 dollar) yetdi;
- Eng yuqori cho‘qqida 3600 dollar taklif qilishdi;
- O‘zbekistonda oltin kuniga 1,9 foizga qimmatlashdi;
- Avvalgi rekord 22-aprelda qayd etilgan edi (5 gramm uchun 7,467 mln, bir gramm uchun 1,493 mln).
Mohiyat
Oltin narxining oshishi 17-sentyabrda Federal zaxira stavkasining pasayishi kutilmalari bilan bog‘liq. The Economic Times ma’lumotlariga ko‘ra, AQShda ishsizlik 2021-yildan beri birinchi marta 4,3 foizga yetgan.
JPMorgan tahlilchilari 2025-yil oxirida bir unsiya uchun 3675 dollargacha, 2026-yilda esa 4200 dollargacha o‘sishni bashorat qilmoqda.
