Bu nega muhim: O‘zbekiston Qozog‘istonning asosiy biznes hamkorlaridan biriga aylanmoqda. Xorijiy biznes tuzilmasining o‘zgarishi Markaziy Osiyodagi iqtisodiy vektorlarning o‘zgarishini aks ettiradi.
Nima bo’ldi:
- Qozog‘istondagi o‘zbek kompaniyalari soni 5,4 mingtagacha o‘sdi (chorakda 527 ta), o‘sish asosan xizmat ko‘rsatish sohasi tomonidan ta’minlandi.
- Xitoy ham o‘z pozitsiyasini kuchaytirdi: +503 ta kompaniya, jami 4,5 mingta, asosan savdo sohasida.
- Shu bilan birga, Rossiya kompaniyalari soni 728 taga kamayib, 17,6 mingtaga yetdi — bu 2019 yildan beri eng yuqori pasayishdir.
- Yil davomida Rossiya 2,1 ming biznes birligini yo‘qotdi, pasayish ketma-ket 5 chorak davom etmoqda.
- Rossiya Federatsiyasida yopilgan kompaniyalarning yarmidan ko‘pi savdo va IT sohasiga to‘g‘ri keldi (55%).
Nima deyishdi:
- Birinchi kredit byurosi ma’lumotlariga ko‘ra, O‘zbekiston qo‘shni bozorga, ayniqsa kichik va o‘rta biznesga barqaror kengayishni namoyish etmoqda.
- Tahlilchilar bunda transport va logistika aloqalari kuchaygani, mamlakatlar o‘rtasidagi savdo aylanmasi oshgani samarasini ko‘rmoqda.
Mohiyat:
- Qozog‘iston O‘zbekistonning asosiy iqtisodiy sherigi bo‘lib qolmoqda.
- O‘zbekiston Qozog‘iston iqtisodiyotiga, ayniqsa, xizmat ko‘rsatish, logistika va savdo sohalarida eng yirik investorlar beshligiga kiradi.
- Ikkinchi chorakda Qozog‘istondagi xorijiy yuridik shaxslarning umumiy hajmi O‘zbekiston va Xitoy tomonidan o‘sishga qaramay, 254 taga kamayib, 44,7 mingtani tashkil etdi.
