Nega bu muhim
AQShning yetakchi investitsiya kompaniyasi jamg‘armasi O‘zbekistonda transport, energetika va suv infratuzilmasini rivojlantirishni jadallashtirishi, xorijiy kapital va texnologiyalarni jalb etishi mumkin.
Nima bo‘ldi
- Mirziyoyev BlackRock direktorlar kengashi a’zosi va katta boshqaruvchi direktori Adebayyo Ogunlesi bilan uchrashdi.
- BlackRock va O‘zbekiston o‘rtasidagi strategik sheriklikni, jumladan, energetika, transport, suv infratuzilmasi sohalarida kengaytirish masalalari muhokama qilindi.
- Tomonlar qo‘shma investitsiya fondini tashkil etish rejalarini qo‘llab-quvvatladilar. Yaqin vaqt ichida platforma konsepsiyasi kelishiladi, shundan so‘ng loyihalarni amalga oshirish boshlanadi.
Mohiyat
BlackRock dunyodagi eng yirik investitsiya firmalaridan biri bo‘lib, trillionlab dollarlik aktivlarni boshqaradi. Avvalroq O‘zbekiston BlackRock va Al Mirqab Capital kabi investor kompaniyalarga yirik investitsiya loyihalari (transport, energetika va boshqalar) portfelini taqdim etgan edi.
