Nega bu muhim
Yalpi ichki mahsulotning o‘sishi so‘nggi yillardagi islohotlar samarasini va xalqaro institutlar ishonchi oshganini aks ettiradi. Investorlar va biznes uchun bu ichki bozorni kengaytirish va mamlakatning mintaqadagi mavqeini mustahkamlash haqidagi signaldir.
Nima bo‘ldi
- 2024-yil yakunlariga ko‘ra, O‘zbekiston yalpi ichki mahsuloti 115 milliard dollarni tashkil etdi;
- 2025-yil uchun prognoz — 130 milliard dollardan ortiq (XVJ);
- 2017-yildan boshlab mamlakatda iqtisodiy o‘sishni tezlashtirish imkonini bergan islohotlar amalga oshirildi;
- 155 milliard dollarlik investitsiyalar 100 mingdan ortiq loyihalarni moliyalashtirdi, bu esa 7 milliondan ortiq fuqaroning daromadini ta’minladi;
- Sanoat eksporti 28 milliard dollardan 62 milliard dollargacha oshdi;
- Turizm xizmatlari eksporti 6 barobarga oshib, $3 mlrdga yetdi;
- IT eksporti 1 milliard dollardan oshdi.
Nima deyildi
Mirziyoyev O‘zbekiston “misli ko‘rilmagan o‘sish sur’atlariga” erishib, mintaqa uchun namuna bo‘lganini ta’kidladi. Uning so‘zlariga ko‘ra, yangi bilim va texnologiyalar iqtisodiyotni modernizatsiya qilishning asosiy omiliga aylandi.
Mohiyat
2017-yildan buyon O‘zbekistonda iqtisodiyot, qurilish va ijtimoiy sohalarda keng ko‘lamli islohotlar amalga oshirilmoqda. Faqatgina so‘nggi sakkiz yil ichida mamlakatda 500 mingta yangi kvartira, 466 ta maktab qurildi va bolalar bog‘chalaridagi o‘rinlar soni 720 mingtadan 2,5 millionga yetkazildi.
