Nega bu muhim
Bunday prognozlar “o‘rtacha daromad” tuzog‘iga tushib qolmaslik uchun iqtisodiy islohotlarni jadallashtirish, unumdorlikni oshirish va investitsiyalarni jalb qilish zarurligini ko‘rsatadi.
Ma’lumotlar va faktlar:
- Yuqori daromad toifasi uchun aholi jon boshiga YIM chegarasi Jahon banki tomonidan 13 935 dollardan yuqori deb belgilangan.
- Jadvalga ko‘ra, O‘zbekistonga bu chegaradan o‘tish uchun 100 yildan ko‘proq vaqt kerak bo‘ladi.
- Mintaqada bu eng yomon ssenariy: Qozog‘iston, Turkmaniston va Qirg‘iziston yuqori daromad toifasida ertaroq, O‘zbekiston va Tojikiston esa boshqalardan keyinroq kutilmoqda.
- Iqtisodchi Mirkomil Xolboyevning muqobil prognozi ancha optimistik — uning hisob-kitoblariga ko‘ra, O‘zbekiston 2042-yildayoq 14 ming dollar daromadga erishishi mumkin.
Mohiyat
Yuqori daromadli mamlakat bo‘lishga intilish 2030-yilgacha mo‘ljallangan Milliy taraqqiyot strategiyasining maqsadlaridan biridir. Shunga qaramay, jahon miqyosida bu maqomga erishish yo‘li tarixan murakkab: so‘nggi o‘n yilliklarda atigi 34 ta iqtisodiyot o‘rta daromadli iqtisodiyotdan yuqori daromadli iqtisodiyotga o‘tdi.
