Nega bu muhim
Ish o‘rinlarini yaratish kambag‘allikni qisqartirish siyosatining asosiy ustuvor yo‘nalishi bo‘lib qolmoqda. Rejaning deyarli muddatidan oldin bajarilishi tadbirkorlik va investitsion faollikning o‘sishidan dalolat beradi.
Nima bo‘ldi
- Yanvar-avgust oylarida 5 mln kishining bandligi ta’minlandi (reja – yiliga 5,5 mln);
- Joriy yilda $35 mlrd investitsiya hisobiga 9 mingga yaqin yangi korxona va xizmat ko‘rsatish majmualari tashkil etilmoqda;
- Bayram munosabati bilan 4 milliard dollarlik 79 ta yirik obyekt ishga tushirildi;
- So‘nggi yillarda kichik va o‘rta tadbirkorlar soni ikki baravar ko‘paydi — sohada 10 milliondan ortiq kishi ish bilan ta’minlangan;
- Yil boshidan buyon O‘zbekistonga 700 ming muhojir qaytdi.
Mohiyat
Mehnat vazirligi ma’lumotlariga ko‘ra, 2025-yilning I yarmida ishsizlik darajasi 5,1 foizgacha pasaydi (bir yil avvalgi 5,8 foizga nisbatan).
Mehnatga layoqatli 20,3 mln kishidan:
- 14,6 mln. kishi ish bilan ta’minlangan,
- 4,8 mln kishi yashirin sektorda band (yiliga -13,6%),
- 1,8 mln nafari xorijda ishlaydi.
