Nega bu muhim
Yangi organ biznesning obro‘ va huquqiy xatarlarini kamaytirishi, ishbilarmonlik muhiti standartlarini mustahkamlashi va investorlarning ishonchini oshirishi kerak.
Nima bo‘ldi
- Prezident Shavkat Mirziyoyev komissiyani tashkil etish to‘g‘risidagi farmonni imzoladi;
- U kompaniyalarga korporativ etika masalalari bo‘yicha maslahat berish bilan shug‘ullanadi;
- Shuningdek, komissiya kompaniyalar o‘rtasidagi nizolarni hal qilish uchun platformaga aylanadi;
- Ish boshlanishi — 2025-yil noyabr oyining boshi.
Mohiyat
Tadbirkorlarni qo‘llab-quvvatlash kengashi 2022-yildan beri faoliyat yuritib, biznes va hokimiyatning o‘zaro hamkorligini nazorat qiladi. 2024-yilda uning ekspertlar tarkibiga 40 dan ortiq biznes va davlat idoralari vakillari, jumladan, IT, fintex va eksport bo‘yicha mutaxassislar kiritildi.
Ishbilarmonlik etikasi bo‘yicha bunday komissiyalar bir qator mamlakatlarda o‘z-o‘zini tartibga solish elementlari va korporativ nizolarni sudsiz hal qilish vositalari sifatida faoliyat yuritadi.
