Nega bu muhim
Bank tizimida davlatning rolini kamaytirish raqobat va sektor barqarorligining kalitidir. Shu bilan birga, XVJ xavflarni Markaziy bankning ijro hokimiyatiga bog‘liqligi va yetarli darajada nazorat qilinmasligida ko‘radi.
Nima bo‘ldi
- Bank sektori aktivlari 690 trln so‘mgacha oshdi.
- Rasmiy daromadga ega bo‘lmagan ipoteka krediti oluvchilarning ulushi 43 foizgacha kamaydi.
- Banklarning eng kam ustav kapitali 500 mlrd so‘mgacha oshirildi.
- Sanatsiya to‘g‘risidagi qonun qabul qilindi va tavakkalchilikka asoslangan nazorat joriy etildi.
- Omonatlarni sug‘urtalash tizimi rivojlantirildi, korporativ boshqaruv takomillashtirildi.
XVJ O‘zbekistonga quyidagilarni tavsiya qiladi:
- MB mustaqilligini kuchaytirish.
- Risk-menejment mezonlarini kuchaytirish.
- Tizimli ahamiyatga ega banklar ustidan nazoratni kuchaytirish.
- Basel Pillar 3 standartlari bo‘yicha ma’lumotlarni ochib berish bo‘limiga o‘tish.
Mohiyat
Moliya sektorini isloh qilish 2019-yilda boshlangan bo‘lib, davlat banklarini bosqichma-bosqich xususiylashtirish, Bazel standartlarini joriy etish va kreditlashda davlat ishtirokini qisqartirishni nazarda tutadi. Taraqqiyotga qaramay, iqlim va operatsion xavflar hali ham kam hisobga olingan.
