Nega bu muhim
So‘m dinamikasi eksport, migrantlar o‘tkazmalari va oltin sotish balansini aks ettiradi. Kuchli so‘m import narxlari va qarz yukini pasaytiradi, lekin eksportchilar va byudjet daromadlarini cheklaydi.
Nima bo‘ldi
- Dollar — 12 354,65 so‘m (+48,85);
- Yevro — 14 384,52 so‘m (−4,65);
- Rossiya rubli — 153,93 so‘m (+1,37);
- Xitoy yuani — 1 725,46 so‘m (+5,91).
Nima deyildi
Tahlilchilarning ta’kidlashicha, yil boshidan buyon so‘mning mustahkamlanishi eksport tushumining o‘sishi (+34,9 foiz), migrantlar o‘tkazmalari ($8,2 mlrd, +27 foiz), oltin savdosining faolligi ($7,7 mlrd), savdo taqchilligining $7,2 mlrd dan $4,2 mlrd gacha qisqarishi va jahon bozorlarida dollar kursining pasayishi (−10 foiz) bilan bog‘liq.
Mohiyat
2025-yil boshidan so‘m 600 so‘mga (taxminan 4,6 foizga) mustahkamlandi. Revalvatsiya inflyatsiyani jilovlash imkonini beradi, ammo uzoq muddatda eksportga yo‘naltirilgan tarmoqlar uchun xavf tug‘diradi.
