Nega bu muhim
Aloqa sifatini mustaqil nazorat qilish telekommunikatsiya bozorining xizmat ko‘rsatish standartlari va raqobatbardoshligini oshirishi mumkin. Bu foydalanuvchilarning mobil internet va aloqa sifati yomonligi haqidagi ko‘p yillik shikoyatlariga javobdir.
Nima bo‘ldi
- 21-avgust kuni prezident Shavkat Mirziyoyev Telekommunikatsiyalarni tartibga solish agentligini tashkil etish to‘g‘risidagi farmonni imzoladi.
- Yangi idora Vazirlar Mahkamasiga hisobot beradigan moliyaviy va tarkibiy jihatdan mustaqil organdir.
- Agentlik har oyda mobil aloqa va internet sifati monitoringini olib boradi.
- Ilgari bu sohadagi nazorat Raqamli texnologiyalar vazirligi tomonidan amalga oshirilar edi.
Mohiyat
Telekommunikatsiya xizmatlari sifati uzoq vaqt davomida O‘zbekistonda raqamlashtirishning og‘riqli nuqtalaridan biri bo‘lib kelgan. Mustaqil tartibga solishga o‘tish nazoratni institutsional mustahkamlash va operatorlar faoliyatining shaffofligini oshirish yo‘nalishini aks ettiradi.
