Nega bu muhim
Yangi soliq imtiyozlari yuqori texnologiyali va eksportga yo‘naltirilgan tarmoqlarning investitsiyaviy jozibadorligiga bevosita ta’sir ko‘rsatadi. Soliq yukining kamaytirilishi yangi ishlab chiqarishlarni yo‘lga qo‘yish, uskunalarni modernizatsiya qilish va biznesning «soyadan» chiqishi uchun rag‘bat yaratadi. Umuman olganda, iqtisodiyot uchun bu tarkibiy o‘zgarishlarni qo‘llab-quvvatlash va e’tiborni yuqori qo‘shimcha qiymatga ega texnologiyalar, qayta ishlash va xizmatlarga qaratishni anglatadi.
Nima bo‘ldi
- O‘zbekiston yetakchisi iqtisodiyotning qator tarmoqlari uchun yangi soliq imtiyozlarini joriy etish to‘g‘risidagi qonunni imzoladi.
- Hujjat zamonaviy uskunalardan foydalangan holda ishlab chiqarilgan yuqori texnologiyali mahsulotlarni sotishdan olinadigan foyda solig‘ini nolga tenglashtirishni nazarda tutadi.
- Shuningdek, bunday uskunalarning o‘rtacha yillik qoldiq qiymati mol-mulk solig‘ini hisoblash bazasidan chiqarib tashlanadi.
- Imtiyozlarga ega bo‘lgan yuqori texnologik mahsulotlar ishlab chiqaruvchilar ro‘yxati prezident tomonidan tasdiqlanadi, imtiyozlar esa ishlab chiqarish majmuasi foydalanishga topshirilgandan keyin uch yil davomida amal qiladi.
Raqamlar va faktlar
- Yuqori texnologiyali mahsulotlarni realizatsiya qilishdan olingan daromadlar bo‘yicha foyda solig‘i stavkasi 0% miqdorida belgilanadi.
- Bunday mahsulotlarni ishlab chiqarish uchun foydalaniladigan asbob-uskunalarning qoldiq qiymati mol-mulk solig‘i bo‘yicha soliq bazasidan chegirib tashlanadi.
- Yuqori texnologiyali mahsulotlar ishlab chiqaruvchilar uchun imtiyozlar ishlab chiqarish ishga tushirilgandan keyin 3 yil davomida amal qiladi.
- Xalqaro tashishlarda transport-ekspeditorlik xizmatlari uchun aylanmadan olinadigan soliqning nol stavkasi joriy etiladi.
- Imtiyoz yuklarni qabul qilish, yetkazib berish va saqlash, sug‘urtalash, bojxona rasmiylashtiruvi, yetkazib berilmagan yuklarni qidirish va ombor xizmatlari uchun amal qiladi.
- 2028 yil 1 yanvargacha tikuv-trikotaj, poyabzal va charm sanoati korxonalari uchun foyda solig‘i stavkasi 2 foizni, ijtimoiy soliq 1 foizni tashkil etadi.
- Tarmoq imtiyozlarini qo‘llash uchun kompaniya daromadlarining kamida 70 foizi ixtisoslashgan faoliyat va shartnomalar bo‘yicha xom ashyoni qayta ishlashdan shakllanishi kerak.
- Korxona xodimlarining eng kam ish haqi EKIHning 2 baravaridan, ya’ni 2,542 mln so‘mdan kam bo‘lmasligi kerak.
- Yuridik shaxslar – Kreativ park rezidentlari 2031-yil boshigacha JSHDS va ijtimoiy soliqni amaldagidan ikki baravar past stavkalarda to‘laydilar, bunda aylanmadan olinadigan soliq daromad hajmidan qat’i nazar undiriladi.
- Ipotekani qayta moliyalashtiruvchi va vakolatli tashkilotlar tomonidan chiqarilgan obligatsiyalar bo‘yicha yuridik shaxslarning daromadlari 2030-yilgacha foyda solig‘idan ozod qilinadi.
Mohiyat
- Qonun texnologiyalar, qayta ishlash va eksport xizmatlariga investitsiyalar uchun kengaytirilgan soliq imtiyozlari paketini shakllantiradi.
- Biznes uchun bu profil faoliyati va ish haqi darajasining aniq mezonlariga rioya qilgan holda fiskal yukni kamaytirishni anglatadi.
- Davlat uchun – ustuvor tarmoqlarni jadal rivojlantirish va uzoq muddatli loyihalarga kapital jalb qilish vositasi.
- Yuqori texnologiyali ishlab chiqarishlar, logistika, kreativ industriya va qayta ishlash tarmoqlarini qo‘llab-quvvatlashga mamlakat raqobatbardoshligini oshirish usuli sifatida qaralmoqda.
- Yangi qonun ilgari amal qilgan chora-tadbirlarni kengaytiradi va ularni o‘rta muddatli davrga mustahkamlaydi.
