Nega bu muhim
Investitsiyalarning keskin o‘sishi mamlakat iqtisodiyotiga bo‘lgan ishonchning o‘sishi va DXSH vositalarining faol rivojlanishini ko‘rsatadi. Bu O‘zbekistonning Markaziy Osiyodagi investitsiya markazi sifatidagi mavqeini mustahkamlaydi.
Nima bo‘ldi
- Asosiy kapitalga investitsiyalar: 14 mlrd dollar (2017) — 39 mlrd dollar (2024);
- To‘g‘ridan-to‘g‘ri xorijiy investitsiyalar: 2,4 mlrd dollar (2017) — 11,9 mlrd dollar (2024);
- 140 mlrd dollarlik 366 ta DXSH loyihasi amalga oshirildi;
- EIZlar soni 3 tadan 22 taga yetdi;
- 766 ta kichik sanoat zonasi va 210 ta yoshlar tadbirkorligi klasteri tashkil etildi;
- 1000 dan ortiq loyihalar ishga tushirildi;
- Ikki tomonlama soliqqa tortishning oldini olish bo‘yicha 54 ta bitim va investitsiyalarni himoya qilish bo‘yicha 50 dan ortiq xalqaro shartnomalar imzolandi.
Nima deyildi
Ekspertlarning ta’kidlashicha, DXSH to‘g‘risidagi qonunchilik energetika, transport va ijtimoiy sohadagi infratuzilma loyihalariga kuchli turtki berdi.
Mohiyat
Investitsion faollikning o‘sishi yangi sanoat zonalari va startap ekotizimining rivojlanishi bilan birga kechmoqda. O‘zbekiston moliyalashtirish manbalarini faol diversifikatsiya qilmoqda va mintaqaning investitsiyaviy xabi maqomini mustahkamlamoqda.
