Nima uchun bu muhim:
P2P o‘tkazmalari (kartalarga) pul tushumlarining asosiy kanaliga aylanmoqda. Bu jo‘natuvchilar va qabul qiluvchilar uchun tezroq va qulayroq.
Nima bo’ldi:
- Xorijdan jami $8,2 mlrd miqdorida pul o‘tkazmalari kelib tushgan;
- 53% ($4,3 mlrd) — an’anaviy tizimlar (Western Union va boshqalar) orqali, 22%ga o‘sish;
- 44% ($3,6 mlrd) — to‘g‘ridan-to‘g‘ri kartalarga (P2P), 40% ga o‘sish;
- SWIFT orqali atigi 3 foiz (251 million dollar) o‘tkazildi, bu bir yil oldingiga nisbatan 22 foizga kam.
Nima deyishdi:
Markaziy bankning qayd etishicha, kartalar, ayniqsa, migrantlar orasida tobora ommalashib bormoqda. Bu arzonroq, tezroq va onlayn mavjud.
Mohiyat:
Karta o‘tkazmalarining o‘sish tendensiyasi ketma-ket uchinchi yil davom etmoqda. Bank o‘tkazmalari qimmatligi va uzoq muddatliligi sababli siqib chiqarilmoqda.
