Nega bu muhim
UzCard O‘zbekiston naqd pulsiz to‘lovlar bozoridagi eng yirik o‘yinchi bo‘lib qolmoqda. Foyda va kapitalning yuqori o‘sish sur’atlari biznesning barqaror marjinalligi va kengayishini ko‘rsatadi. Kompaniya bir vaqtning o‘zida daromad va aktivlarning o‘sishi bilan samaradorlikni saqlab qolishga muvaffaq bo‘lmoqda.
Nima bo‘ldi
- Sof foyda — 621,6 mlrd so‘m;
- Tushum — 953,3 mlrd so‘m;
- Operatsion foyda — 636,4 mlrd so‘m;
- Foyda solig‘i — 3,1 mlrd so‘m;
- Aktivlar — 997,3 mlrd so‘m;
- Xususiy kapitali — 790,5 mlrd so‘m.
Mohiyat
2024-yilda UzCard O‘zbekistonda 40 milliondan ortiq plastik kartalarga xizmat ko‘rsatdi. Kompaniya milliy to‘lov tizimida muhim rol o‘ynaydi, Humo bilan raqobatlashadi va onlayn hisob-kitoblar uchun infratuzilmani rivojlantiradi. Agar kompaniya IPOga chiqishga yoki strategik hamkorlarni jalb qilishga qaror qilsa, yuqori daromadlilik xususiy va institutsional investorlarning qiziqishini oshirishi mumkin.
