Nega bu muhim
Xalqaro kapital bozoriga chiqish va IPOga tayyorgarlik ko‘rish Uzumni global investitsiya ambitsiyalariga ega birinchi o‘zbek texnologik ekotizimiga aylantiradi. Bu mamlakatning fintech va e-commerce sektoriga e’tiborni jalb qilishi mumkin.
Nima bo‘ldi
- Uzum $300 mlnlik yevrobondlar chiqarishni tayyorlamoqda (H1 2026);
- IPO 2027-yilga rejalashtirilgan, ko‘rib chiqilayotgan maydonlar — Gonkong, Abu-Dabi, Nasdaq;
- Mart oyida Uzum “Toshkent” birjasida 300 mlrd so‘mlik ilk obligatsiyalarini joylashtirdi;
- Avgust oyida kompaniya Tencent va VR Capital’dan 70 million dollar jalb qildi — Uzum bahosi 1,5 milliard dollarga yetdi;
- Mablag‘lar fintex, e-commerce va raqamli infratuzilmani rivojlantirishga yo‘naltiriladi.
Nima deyildi
Nikolay Seleznyov, Uzum:
“Toshkent fond birjasidagi savdolar hajmi hali ham mamlakat ambitsiyalariga mos kelmaydi. Shuning uchun biz boshqa moliyalashtirish manbalarini ham ko‘rib chiqyapmiz”.
Jasur Jumayev, hammuassis:
“IPO — mening orzuim. Yaqin 2-3 yil ichida kompaniyaning likvidligini oshirish bo‘yicha qadamlarni ko‘rasiz”.
Mohiyat
Uzum — fintex, onlayn savdo va logistikani birlashtirgan O‘zbekistonning eng yirik raqamli ekotizimi. Kompaniya xorijiy investorlarni faol jalb qilib, mintaqaviy alyanslar tuzmoqda.
