Nega bu muhim
Bankning izohi vaziyatni yumshatadi, uni faqat regulyatorning sanksiyasi emas, balki strategik qadam sifatida ko‘rsatadi. Moliya sektori uchun bu O‘zbekistonda kapitalga va banklar barqarorligiga talablar ortib borayotganidan darak beradi.
Nima bo‘ldi
- 28-avgust kuni O‘zbekiston Markaziy banki Yevroosiyo bankidan (O‘zbekiston) litsenziya chaqirib olingani haqida xabar berdi;
- Sabab: kapitalning minimal talablarga javob bermasligi va bank qonunchiligining buzilishi;
- Yevroosiyo banki bunga javoban O‘zbekiston sho‘ba korxonasiga investitsiya kiritishni to‘xtatish to‘g‘risidagi qaror oldindan — direktorlar kengashi darajasida qabul qilinganini ma’lum qildi;
- Endilikda bankning asosiy e’tibori loyihalarni amalga oshirish va Qozog‘iston ichki bozoridagi mavqeini mustahkamlashga qaratilgan.
Nima deyildi
Yevroosiyo banki matbuot xizmati ta’kidlashicha, ichki bozorga e’tibor qaratish (Qozog‘iston — tahr.) yangi loyihalarni amalga oshirish va mijozlar va hamkorlar uchun eng katta qiziqish uyg‘otadigan asosiy segmentlarda o‘z mavqeini mustahkamlash imkonini beradi.
Mohiyat
Yevroosiyo banki 2022-yilda O‘zbekistonda ishlashga ruxsat olgan, biroq keng ko‘lamli faoliyatni yo‘lga qo‘yishga ulgurmagan. 2025-yilning birinchi yarmi yakunlariga ko‘ra, u zarar ko‘rib ishlaydigan banklar qatoriga kirdi (minus 51,6 mlrd so‘m).
