Nega bu muhim
Asosiy infratuzilma obyektini ochiq tartib-taomillarsiz xususiylashtirish shaffoflik bo‘yicha savollarni keltirib chiqarmoqda. Ikki yirik o‘yinchi — Wildberries va Uzum`ning ishtiroki logistika va elektron tijorat bozoridagi kuchlar nisbatini o‘zgartirishi mumkin.
Nima bo‘ldi
- Uzum Davlat aktivlarini boshqarish agentligiga xat yo‘llab, UzPost`dagi davlat ulushi uchun savdolarda ishtirok etish niyatida ekanligini ma’lum qildi.
- Kompaniya pochtani boshqarish milliy manfaatlar va muhim ijtimoiy funksiyani hisobga olishi kerakligini ta’kidlaydi.
- Bir hafta oldin OAV Wildberries xususiylashtirish ishtirokchisiga aylangani haqida xabar bergan, biroq bitim tafsilotlari oshkor etilmagan edi.
- Kim oshdi savdosi haqida rasmiy e’lon berilmadi. Davaktiv agentligi ham, Iqtisodiyot vazirligi ham, Wildberries ham vaziyatga izoh bermadi.
- Kompaniya o‘zini UzPost`ning tabiiy hamkori deb hisoblaydi va pochta infratuzilmasini rivojlantirishda ishtirok etishga da’vogarlik qiladi.
Nima deyildi
Pochta xizmati — muhim davlat aktivi. U barcha hamkorlar va foydalanuvchilar manfaatlari yo‘lida rivojlanishi kerak, — Uzum murojaatidan.
Mohiyat
UzPost transformatsiya va qisman xususiylashtirish bosqichida. Sentyabr oyida 25 foizlik ulush O‘zMIJdan Davaktivga o‘tdi. Iyun oyida affillangan shaxslar tarkibi o‘zgartirildi: Moliya vazirligi va Aloqabank chiqarib tashlandi, Davaktiv agentligi nazorati ostidagi tuzilmalar qo‘shildi. O‘zbekiston pochtasi raqamlashtirish, bo‘limlarni kengaytirish va logistikani optimallashtirish uchun investor izlamoqda.
