Nima uchun bu muhim:
Nol stavkalar bozorda kamdan-kam uchraydi. Bunday takliflar yangi avtomobillarga bo‘lgan talabni jonlantiradi va banklar uchun ham, avtodilerlar uchun ham sotuvni oshirish vositasiga aylanadi.
Nima bo’ldi:
- 21-iyuldan boshlab UzAuto Motors Kapitalbank, Tengebank va Asakabank bilan birgalikda Onix, Tracker va Damas avtomobillarini 20 foiz boshlang‘ich to‘lov bilan 0 foiz muddatli to‘lovga taklif qildi.
- Ipotekabank Changan, Deepal va Nevo avtomobillari uchun 0 foizli kreditni ishga tushirdi. Dastlabki badal shartlari aniqlashtirilmagan.
- Turonbank Opel, Fiat, Geely, Exeed va Alfa Romeo uchun 0 foizlik muddatli to‘lovni taklif qiladi, biroq birinchi to‘lovning 50 foizini talab qiladi.
Nima deyishdi:
Bozor mutaxassislarining fikricha, bu ombor qoldiqlarining o‘sishi bilan bog‘liq vaqtinchalik aksiyalardir. Bunday sharoitlar kuchli sheriklik tarmog‘iga ega mahalliy brendlar va banklarga ustunlik beradi.
Mohiyat:
- Bungacha 0 foizli avtokreditlar faqat qisqa muddatli aksiyalar doirasida taqdim etilardi.
- 2025-yil bahorida sotuvlar sekinlashishi fonida ishlab chiqaruvchilar va banklar rag‘batlantiruvchi dasturlarni kuchaytirdi.
- O‘zbekiston avtokredit bozori asosan yuqori foizli bo‘lib qolmoqda — o‘rtacha stavka yillik 23-28 foizni tashkil etadi.
