Nega bu muhim
Gap yuz minglab yo‘lovchilarning shaxsiy ma’lumotlari, jumladan, pasport nusxalari va to‘lov ma’lumotlarini oshkor qilish haqida ketmoqda. Bunday xabarlar milliy aviatashuvchiga bo‘lgan ishonchga bevosita ta’sir qiladi.
Nima bo‘ldi
Darknetda arxiv e’lon qilindi, unda muallifning bayonotlariga ko‘ra, quyidagilar mavjud:
- 400 ming yo‘lovchi to‘g‘risidagi ma’lumotlar;
- chiptalar va to‘lovlar to‘g‘risidagi ma’lumotlar;
- qisman ochilgan karta raqamlari;
- 500 ming yo‘lovchi va xodimlar xabarlari;
- 40 ta mamlakat fuqarolari pasportlarining skanerlari.
“Dalil” sifatida bir nechta pasportlarning fotosuratlarini ko‘rsatishdi. Uzbekistan Airways keltirilgan misollar ularning tizimlari bilan bog‘liq emasligini va ular yaratilgan yoki tahrirlangan bo‘lishi mumkinligini ta’kidladi. Kompaniya kibertahdidlarga javob berish protokollari doirasida xizmat tekshiruvini boshladi.
Mohiyat
O‘zbekistonda kibertahdidlar mavzusi tobora dolzarb bo‘lib bormoqda: 2025-yil aprel oyida prezident Mirziyoyev banklarda antifrod tizimlarini joriy etishni buyurdi, Markaziy bank esa kredit tashkilotlariga kiberxavfsizlik xizmatlarini tashkil etish majburiyatini yukladi.
