Nega bu muhim
Kompaniya foydaning pasayishi va raqobatning kuchayishi fonida model qatorini kengaytirmoqda. SUV va tijorat transportiga yangi e’tibor UzAuto‘ning ichki va eksport bozorlaridagi mavqeini mustahkamlashi mumkin.
Nima bo‘ldi
- UzAuto Motors yaqin yillarda 8 ta yangi modelni ishlab chiqarishga tayyorlamoqda;
- Rejalarda — SUV segmentiga kengaytirish;
- 2026-yilda Xorazmdagi Damas zavodi negizida minivenni yirik uzelli yig‘ish yo‘lga qo‘yiladi;
- Chevrolet Cobalt flagmani yangilanmoqda — yangi imkoniyatlar, multimedia va o‘rindiqlarni isitish;
- Avgust oyida Chevrolet Tahoe 2025 High Country taqdim etildi, sotuvlar 11-sentyabrdan boshlanadi (1,46 mlrd so‘mdan).
Nima deyildi
Biz modellar qatorini kengaytirmoqdamiz. Yangi modellar bilan SUV bozoriga chiqishni rejalashtirmoqdamiz. Hozirda sakkizta model ishlab chiqilmoqda, ular tez orada taqdim etiladi, — dedi UzAuto Motors bosh direktori Yanosh Kovach.
Mohiyat
Birinchi yarim yillikda UzAuto Motors foydasi 27,5 foizga kamaydi. Avvalroq kompaniya takomillashtirilgan interyer va yangi funksiyalarga ega Cobalt 2025 yangilanishini e’lon qilgan edi.
