Nima uchun bu muhim:
Elektromobillar sonining ko‘payishi mamlakatning “yashil” transportga o‘tishi va ayniqsa shaharlarda zaryadlash infratuzilmasiga bo‘lgan talabning ortib borayotganini aks ettiradi. Toshkentdagi bunday konsentratsiya bozorning mintaqalar bo‘yicha notekis rivojlanishini ta’kidlaydi.
Nima bo’ldi:
- Respublika bo‘yicha jami — 65 200 ta elektromobil.
- Toshkent shahrida 49 736 ta (76 foiz).
Poytaxtdan keyingi TOP-5 hududlar:
- Toshkent viloyati — 4 512 ta;
- Samarqand viloyati — 1 739 ta;
- Xorazm viloyati — 1 415,
- Farg‘ona viloyati — 1 376 ta,
- Qashqadaryo viloyati — 1 338.
- Eng kam — Surxondaryo viloyatida (198 ta elektromobil).
Nima deyishdi
Milliy statistika qo‘mitasi import va bojxona to‘lovlari bo‘yicha imtiyozlar hisobiga elektromobillar avtoparkining barqaror o‘sishini qayd etdi.
Mohiyat
- So‘nggi uch yilda elektromobillar soni qariyb 6 barobar oshgan.
- Hukumat elektromobillarga o‘tishni quvvatlash stansiyalarini o‘rnatish uchun imtiyozlar va subsidiyalar orqali rag‘batlantirmoqda.
- Toshkent “yashil” transportning asosiy drayveri bo‘lib qolmoqda.
