Nega bu muhim
O‘sish bank va moliya sektorida — ham biznes, ham aholi tomonidan faollik kuchayganidan dalolat beradi. Bu moliyaviy vositalardan foydalanish imkoniyatining kengayishi va kreditga bo‘lgan talabni aks ettiradi.
Nima bo‘ldi
- 7 oyda 93,4 trln so‘mlik moliyaviy xizmatlar ko‘rsatilgan;
- O‘tgan yilning mos davriga nisbatan o‘sish — 18,7 trln so‘m;
- Toshkent: 53,6 trln so‘m — umumiy hajmning 57 foizdan ortig‘i.
Qolgan hududlar:
- Farg‘ona viloyati — 4,9 trln.
- Andijon — 4,6 trln
- Toshkent — 4,0 trln
- Samarqand — 3,8 trln
- Sirdaryo — 1,6 trln
Nima deyildi
“Sohaning o‘sishi bank va boshqa moliyaviy xizmatlarga bo‘lgan talabning oshishini aks ettiradi”, — Milliy statistika qo‘mitasi.
Mohiyat
Moliyaviy xizmatlar sektori bank, sug‘urta, lizing va boshqa operatsiyalarni o‘z ichiga oladi. Avvalroq Markaziy bank kredit faolligi va depozit omonatlari, ayniqsa milliy valyutadagi omonatlar hajmi oshgani haqida xabar bergan edi. Shuningdek, naqd pulsiz hisob-kitoblar va raqamli xizmatlar ulushining o‘sishi kuzatilmoqda.
