Nega bu muhim
UzIMEI tizimidagi nosozlik va ortiqcha byurokratik talablar qurilmalarni ro‘yxatdan o‘tkazishga to‘sqinlik qilmoqda, foydalanuvchilarning shikoyatlariga sabab bo‘lmoqda va raqamli davlat xizmatlariga bo‘lgan ishonchni pasaytirmoqda. 2024-yildan boshlab bojxona qoidalari qat’iylashtirildi va to‘lovlar oshdi, bu esa keskinlikni kuchaytirdi.
Asosiy faktlar
- Foydalanuvchilar uzimei.uz, my.gov.uz va BIRDA ilovasidagi nosozliklar haqida shikoyat qilishmoqda;
- Raqamli texnologiyalar vazirligi texnik muammolarni tan olib, ular tezkorlik bilan bartaraf etilayotganini ma’lum qildi;
- Qo‘shimcha to‘lovlar IMEI bilan emas, balki bojxona deklaratsiyasining yo‘qligi bilan bog‘liq;
- Ro‘yxatdan o‘tgan IMEIlar soni 2019-yildagi 1,6 milliondan 2024-yilda 8,4 milliongacha oshdi;
- Olib kirishda bojxona to‘lovlari 5,1 mlrd so‘mdan 621,2 mlrd so‘mga oshdi;
- Rasmiy olib kirilgan telefonlar soni 265 baravarga oshib, 3,5 million donaga yetdi;
- 20,3 mingta o‘g‘irlangan qurilma, 298 mingta soxta IMEI “qora ro‘yxat”ga kiritilgan;
- MB bilan birgalikda mobil moliyaviy ilovalarni himoya qilish tizimi ishlab chiqilmoqda.
Nima deyildi
Tizim soddalashtiriladi, texnik nosozliklar bartaraf etiladi, — dedi raqamli texnologiyalar vaziri Sherzod Shermatov.
Mohiyat
UzIMEI tizimi 2019-yildan buyon amal qilib kelmoqda. Mamlakatga olib kirilayotgan barcha mobil telefonlar majburiy ro‘yxatdan o‘tkazilishi kerak. So‘nggi oylarda ishlamaydigan platformalar va ikkinchi IMEI’ni ro‘yxatdan o‘tkazishdagi qiyinchiliklar haqida shikoyatlar ko‘paydi. Senatorlar Raqamli texnologiyalar vazirligidan tushuntirish va islohotlar o‘tkazishni talab qildi.
