Nega bu muhim
Qurilish iqtisodiyotning asosiy drayverlaridan biri bo‘lib, ichki talabni shakllantiradi, ish o‘rinlari yaratadi va infratuzilmani yaxshilaydi. Sohadagi barqaror o‘sish investitsiya muhitining mustahkamlanayotgani, uy-joy va ijtimoiy soha obyektlariga ehtiyoj ortib borayotganidan dalolat beradi.
Nima bo‘ldi
- Qurilish ishlari hajmi yil boshidan 188,5 trln so‘mni tashkil etdi (+11,5%);
- 5 yil ichida bu ko‘rsatkich deyarli uch baravarga o‘sdi (2021-yildagi 66,9 trln).
O‘sish quyidagilar hisobiga ta’minlandi:
- faol uy-joy qurilishi;
- yo‘llarni va muhandislik infratuzilmasini rekonstruksiya qilish bo‘yicha loyihalar;
- maktablar, bog‘chalar va shifoxonalarni modernizatsiya qilish;
- Sanoat yangi standartlar doirasida energiya tejamkor va seysmik barqaror texnologiyalarni faol joriy etmoqda;
- Ipoteka kreditlari va xususiy investorlar ishtiroki kengayib borayotgani talabni rag‘batlantirmoqda.
Nima deyildi
Mutaxassislarning ta’kidlashicha, qurilish sohasidagi ijobiy dinamika davlat tomonidan qo‘llab-quvvatlash, investitsiyalarning o‘sishi va uy-joy bozoridagi jonlanish bilan bevosita bog‘liq.
Mohiyat
Infratuzilma milliy loyihalari va ruxsatnomalar tizimidagi islohotlar soha rivojiga xizmat qilmoqda. Davlat statistika qo‘mitasi ma’lumotlariga ko‘ra, qurilish yalpi ichki mahsulot hajmi bo‘yicha barqaror ravishda TOP-3 tarmoqlar qatoriga kiradi.
