Nega bu muhim
ACWA Power loyihalari qayta tiklanadigan energiya ishlab chiqarishni ko‘paytirish, mamlakatning energiya xavfsizligini mustahkamlash va «yashil» iqtisodiyotga yirik xorijiy investitsiyalarni jalb qilishga qodir.
Nima bo‘lyapti
- Kompaniya loyihalarning o‘rnatilgan quvvatini 3,5-4 GVt dan 10 GVt gacha oshirish niyatida.
- Asosiy rejalardan biri — Qo‘ng‘irot tumanida quvvati 1,5 GVt bo‘lgan shamol elektr stansiyasini qurish.
- Iyun oyida ACWA hukumat bilan yangi loyihalar uchun 5 milliard dollarlik shartnoma imzolanganini e’lon qildi.
- Bugungi kunda ishlanmalar portfeli 19 ta energetika loyihasini o‘z ichiga oladi, ulardan 18 tasi qayta tiklanadigan energiya bilan bog‘liq.
- Qoraqalpog‘istonda shamol elektr stansiyalari (1,5 GVt va 100 MVt), Buxoro viloyatida shamol parklari (har biri 500 MVt), Toshkent va Samarqand viloyatlarida fotoelektr stansiyalari qurilmoqda.
- Shuningdek, Chirchiqdagi “yashil” vodorod zavodi (Power China bilan hamkorlikda), Toshkent viloyatidagi akkumulyator tizimi (334 MVt) ham rejalashtirilgan.
- ACWA’ning O‘zbekistonga kiritgan investitsiyalarining umumiy hajmi 15 milliard dollarga yetdi.
Mohiyat
ACWA Power Yaqin Sharq va Osiyo energetikasining yirik ishtirokchisi bo‘lib, qayta tiklanadigan manbalar, suvni tozalash va energiya saqlashga ixtisoslashgan. O‘zbekiston barqaror rivojlanish strategiyasining bir qismi sifatida “toza energiya” sektorini faol rivojlantirmoqda. Bu tashabbuslar qazib olinadigan yoqilg‘iga qaramlikni kamaytirish va elektr energiyasi eksporti salohiyatini rivojlantirishga xizmat qiladi.
