Nega bu muhim
Badavlat mijozlarning bir qismini yo‘qotish bozor bo‘ylab pastga harakatlanishni anglatadi — UzAuto arzon va ommaviy modellar o‘rtasida qolib ketishi mumkin. Premium va elektro/gibrid modellarga yo‘naltirilgan raqobatchilar esa istiqbolli auditoriyani o‘ziga jalb qilmoqda.
Nima bo‘ldi
- Yil davomida UzAuto‘ning eng qimmat oltita modeli savdosi taxminan 43 foizga kamaydi.
- Traverse — 21% pasayish
- Equinox — “bozordan g‘oyib bo‘ldi” (manfiy 94%)
- Captiva va Tahoe — qoladi, lekin kam sotiladi (minut 71% va minus 67%)
- Tracker — yaxshi hajmlar (28 ming), ammo 12% ga pasayish
- Malibu o‘sgan yagona model: sotuvlar 5,3% ga o‘sdi
- Shu bilan birga, Kia Sonet, BYD Chazor, Chery Arrizo 6 Pro, BYD Song Plus va BYD Song Pro modellari sotuvlarni o‘rtacha 86% ga oshirdi.
- Haval M6 ayniqsa sezilarli darajada o‘sdi: 9 oy ichida — 974 donadan 3 204 donagacha (229% o‘sish).
- Ommaviy segmentda UzAuto hali ham kuchli: Cobalt modeli mamlakatda eng ko‘p sotilganicha qolmoqda.
- Damas va Labo ishlab chiqaradigan Xorazm zavodi bozor ulushini oshirmoqda: bir yil ichida — 26 foizdan 35 foizgacha.
- Andijondagi zavod (Cobalt yig‘ish) barqaror, biroq Onix sotuvi 38 foizga tushib ketgan.
- Umumiy ko‘rinish: UzAuto byudjet segmentida ustunlikni saqlab qolmoqda, ammo byudjeti yuqori bo‘lgan mijozlarni yo‘qotmoqda.
Dalillar nima deydi
2025-yilning birinchi choragida UzAuto‘ning sof foydasi ikki baravardan ko‘proqqa kamaydi, kompaniyaning bozor ulushi esa 90,2 foizdan 82,2 foizga tushdi. Raqobatchilar o‘z ulushlarini kengaytirmoqda: BYD O‘zbekistonda mahalliy ishlab chiqarish orqali o‘z ishtirokini kuchaytirmoqda. 2025-yilning 9 oyida jami 296 331 ta avtomobil sotilgan bo‘lib, UzAuto Motors’ning ulushi 80 foizdan oshdi.
Mohiyat
UzAuto – O‘zbekiston avtomobil bozorining an’anaviy yetakchisi bo‘lib, uning Chevrolet modellari ommaviy va arzonligicha qolmoqda. Ammo global tendensiyalar — elektromobillar, gibridlar va xalqaro brendlarga bo‘lgan qiziqish — xaridorlarning afzalliklarini o‘zgartirmoqda.
BYD allaqachon O‘zbekistonda yig‘ishni yo‘lga qo‘ygan (Jizzax viloyatidagi zavod). Kia va boshqa Osiyo brendlari tajovuzkor kengayish va marketing orqali o‘z mavqelarini mustahkamlamoqda. Agar UzAuto moslashmasa (yangi modellar, premium liniyalar, elektrlashtirish), o‘rta-yuqori segmentdagi bozor ulushi yanada tezroq qisqarishi mumkin.
