Nega bu muhim
Katta moliyaviy resurs islohotlarni jadallashtirish, davlat boshqaruvining shaffofligini oshirish va qonunchilikni Jahon savdo tashkiloti talablariga muvofiqlashtirishga yo‘naltirilgan. Bu qadam O‘zbekistonning investorlar uchun jozibadorligini kuchaytirishi va uning global miqyosdagi raqobatbardoshligini oshirishi mumkin.
Asosiy bandlar
- Kredit davlat sektori samaradorligini oshirish, davlat korxonalarini boshqarishni isloh qilish, fiskal shaffoflikni kuchaytirish, ijtimoiy himoyani rivojlantirish uchun mo‘ljallangan.
- Chora-tadbirlar qatorida: davlat sektori kompaniyalari direktorlar kengashlari tarkibini qayta ko‘rib chiqish, gender kvotalarini joriy etish, MHXS va xalqaro hisobot standartlarini joriy etish.
- Soliq bazasini kengaytirish, xalqaro soliq organlari bilan hamkorlikni kuchaytirish, audit va korrupsiyaga qarshi kurashish tizimlarini modernizatsiya qilish rejalashtirilgan.
- Dasturda investitsiyalar va raqobat to‘g‘risidagi qonunlarni jahon standartlariga muvofiqlashtirish ham ko‘zda tutilgan bo‘lib, bu JSTga a’zo bo‘lishning muhim sharti hisoblanadi.
- Ijtimoiy yo‘nalish doirasida aholining zaif guruhlari uchun tarkibiy o‘zgarishlarning salbiy ta’sirini yumshatishga qaratilgan chora-tadbirlar ko‘zda tutilgan.
OTBning qayd etishicha, O‘zbekiston 1995-yilda bankka qo‘shilganidan beri mamlakat turli dasturlar doirasida 14,6 milliard dollarlik yordam olgan.
