Nima uchun bu muhim:
Mamlakat oltin narxining tarixiy o‘sishi fonida foydani qayd etmoqda — oktyabr oyida kotirovkalar bir unsiya uchun 4,5 ming dollarga yetdi. Bunday strategiya zaxiralar tarkibiga ta’sir ko‘rsatadi hamda geosiyosiy va narx o‘zgaruvchanligi sharoitida likvidlikni boshqarishga moslashuvchan yondashuvni aks ettiradi.
Nima bo‘ldi
- O‘zbekiston 8,1 tonnalik boshlang‘ich xaridlarga qaramay, 16,8 tonna sof oltin sotdi.
- Asosiy sotuvlar fevral-aprel oylariga to‘g‘ri keldi.
- Ikkinchi o‘rinda Singapur (15,8 tonna sotilgan), uchinchi o‘rinda Indoneziya (12,9 tonna sotilgan).
- Rossiya zaxiralarni 6,2 tonnaga, Germaniya 1,3 tonnaga qisqartirdi.
- Xarid bo‘yicha yetakchilar: Polsha 67,1 tonna, SOFAZ (Ozarbayjon) 34,5 tonna, Qozog‘iston 32,4 tonna, Xitoy 22,7 tonna, Turkiya 19,5 tonna.
Nima deyildi
Tahlilchilarning ta’kidlashicha, aksariyat markaziy banklar strategik jamg‘arishni davom ettirayotgan bir paytda O‘zbekistondagi sotuvlar narxlar cho‘qqisida foydani qayd etishga urinishdek ko‘rinmoqda.
Mohiyat
Regulyatorlar tomonidan oltinga bo‘lgan global talab inflyatsiya xatarlari va geosiyosiy keskinlik tufayli yuqoriligicha qolmoqda. AQSH hamon eng yirik davlat bo‘lib qolmoqda — 8 ming tonnadan ortiq.
