Nega bu muhim
Qonunning yangi tahriri keng ko‘lamli infratuzilma loyihalari, shu jumladan pullik trassalar uchun huquqiy asos yaratadi. Bu xususiy va xorijiy investitsiyalarni jalb qilish, yo‘l tarmog‘i sifatini oshirish imkonini beradi.
Nima bo‘ldi
- 23-sentyabr kuni Oliy Majlis Qonunchilik palatasi qonunni yakuniy o‘qishda qabul qildi. Hujjat Senatga yuborildi.
- Pulli yo‘l qurilishiga faqat muqobil bepul yo‘nalish mavjud bo‘lgandagina ruxsat beriladi.
- Yo‘l haqi “iqtisodiy jihatdan o‘zini oqlashi” va foydalanuvchilarning manfaatlarini hisobga olishi kerak.
- Atrof-muhitga ta’sirni baholash, jamoatchilik fikrini inobatga olish va to‘siqsiz muhitni yaratish bo‘yicha normalar kiritilmoqda.
- Qonun og‘ir yuk tashuvchi transport vositalari harakati va xizmat ko‘rsatish infratuzilmasini joylashtirishni ham tartibga soladi.
- Quruvchilar kommunikatsiya qurilishi paytida shikastlangan yo‘llarni tiklashlari shart.
Mohiyat
Qonun 2007 yilgi tahrirni almashtiradi va 2018 yildan buyon rivojlantirilmoqda. 2024-yilda pullik trassalar to‘g‘risidagi alohida qonun yana muhokama qilindi.
TIA va tender bosqichida — Toshkent—Samarqand ($1,4 mlrd) va Toshkent—Andijon ($4,65 mlrd) trassalari loyihalari. O‘zbekiston Toshkent—Qamchiq trassasi kabi DXSH modelidan foydalanishni rejalashtirmoqda.
