Nega bu muhim
Tendensiya banklarning biznes modeli transformatsiyasini aks ettiradi — an’anaviy filiallar tarmog‘idan raqamli kanallar va ixcham xizmat ko‘rsatish formatlariga e’tibor qaratilmoqda.
Nima bo‘ldi
- Ikki yil ichida filiallar soni qariyb 3 barobar qisqardi.
- 24/7 xizmat ko‘rsatish nuqtalari soni ilk bor 5 mingdan oshdi.
- Bank xizmatlari markazlari soni ko‘paydi.
- Mikromoliya tashkilotlari soni bir yil avvalgi 84-85 ta o‘rniga 120 taga yetdi.
- Moliyaviy xizmatlarga bo‘lgan talabning o‘sishi raqamlashtirish va an’anaviy infratuzilma xarajatlarining qisqarishi bilan birga kechmoqda.
- Yirik bitim – bozor bahosi mamlakatdagi eng yirik banklardan biri — “Ipoteka-bank” qiymatidan oshib ketgan Click fintex kompaniyasini sotish.
Mohiyat
Jahonda banklarni raqamlashtirish tendensiyasi O‘zbekistonda ham kuchayib bormoqda. MB ma’lumotlariga ko‘ra, ayrim banklarda onlayn operatsiyalar ulushi 90 foizdan oshadi, bu esa qimmat shoxobchalar tarmog‘ini iqtisodiy jihatdan oqlamaydi.
